BU KHATNA

(Sam 1-41)

Engthâwlna tak tak

1Mi suaksualte remruat anga awm ngai lova,
Mi sualte kawng pawha ding ngai lova,
Hmusittute ṭhutphah pawha ṭhu ngai lo mi chu, a eng a thâwl e.
2A lâwmna chu Lalpa dânah a ni zâwk a;
A dân thu chu a chhûn a zânin a ngaihtuah ṭhîn.
3Ani chu tui luang kianga thing phun,
A hun têa rah ṭhîn,
A hnah pawh uai ngai lo ang hi a ni a;
A thiltih apiang chu a hmuingîl zêl ang.
4Mi suaksualte erawh chu chutiang an ni lo va;
Buhsî thliin a len bo ang hi an ni zâwk.
5Chuvângin, mi suaksualte chu rorêlna hmaah chuan an ding thei lo vang a,
Mi sualte pawh mi felte inkhâwmnaah chuan an ding thei hek lo vang.
6Lalpa chuan mi felte kawng chu a hre si ṭhîn a;
Mi suaksualte kawng erawh chu a boral ang.