Chhoh Hla

Ṭanpui dîlna

1Ka mangannaah chuan Lalpa chu ka au va;
Tichuan, anin mi chhâng a.
2Aw Lalpa, hmui dawtheite lakah leh, lei mi bum hmang lakah chuan,
Ka nunna hi chhanhim ang che.
3Nang lei bum hmang,
I hnênah eng nge an pêk ang chia, eng nge an belhchhah ang che?
4Mi chak thal zum takte,
Juniper thing lingte nên.
5Mesek-ho ramah ka awm leh,
Kedar-ho puan in zîngah ka awm hi, ka chung a va pik êm!
6Ka nunna hi remna hawtu hnênah hian a chêng rei lutuk tawh a ni.
7Kei chuan inrem ka duh a;
Nimahsela, thu ka sawi veleh indo an duh ṭhîn.