Chhoh Hla.

Pathian mite himzia

1Lalpa ringtute chu Zion tlâng, tihnghîn rual loh,
Kumkhuaa awm reng tûr ang chu an ni.
2Tlângte chu Jerusalem vêla a awm angin,
Lalpa chu a mite vêlah a awm ṭhîn,
Tûn aṭanga kumkhuain.
3Suahsualna laltiang chu mi fel ram chan chungah chuan a innghat dâwn si lo;
Mi felte chuan an kuttea khawlohna an ban loh nân.
4Aw Lalpa, ṭha taka awmte chungah chuan ṭha takin ti ang che,
An thinlunga dik taka awmte chungah pawh.
5An kawng kawitea pêngho erawh hi zawng,
Lalpa chuan thil tisualtute nên a hruai chhuak ang.
Israel-ho chungah chuan thlamuanna awm rawh se.